គោលដៅនេះគឺដើម្បីលុបបំបាត់ភាពក្រីក្រក្នុងគ្រប់រូបភាពនិងគ្រប់ទម្រង់នៅទូទាំងពិភពលោក។
ជំហានដំបូងគឺដោះស្រាយបញ្ហាភាពក្រីក្រដែលមនុស្សគ្មានរបរអាហារបរិភោគគ្រប់គ្រាន់ដើម្បីរស់នៅ។
គោលដៅនេះមិនមែនគ្រាន់តែកាផ្ដល់អាហារនិងទឹកតែប៉ុណ្ណោះទេ តែវាក៏រួមបញ្ចូលនូវការធ្វើឲ្យគ្រប់គ្នាមានការងារធ្វើនិងកន្លែងរស់នៅ អាចប្រើប្រាស់មន្ទីរពេទ្យ និងមានឱកាសក្នុងការបញ្ចេញមតិនូវអ្វីដែលពួកគេគិតឬប្រើប្រាស់ជំនាញដែលពួកគេមាន។

ភាពអត់ឃ្លានគឺជាស្ថានភាពនៃការកង្វះជីវជាតិដែលកើតឡើងនៅពេលដែលអ្នកមិនបានបរិភោគអាហារអោយបានត្រឹមត្រូវអស់រយៈពេលយូរ។
គោលដៅនេះគឺដើម្បីធ្វើឲ្យគ្រប់គ្នាប្រកដថាទាំងកុមារនិងមនុស្សចាស់ ទទួលបានអាហារដោយមានជីវជាតិគ្រប់គ្រាន់។
គោលដៅនេះគឺដើម្បីអភិរក្សបរិស្ថាននិងដំណាំចម្រុះ (មានប្រភេទដំណាំផ្សេងៗដែលអាចប្រើបានជាច្រើន) ព្រមទាំងអាចបង្កើនផលិតកម្មអាហារដែលមានស្ថិរភាពផងដែរ។

គោលដៅនេះគឺដើម្បីឲ្យគ្រប់គ្នាមានសុខភាពល្អ បង្ការពីជំងឺ និងអាចទទួលការព្យាបាលវេជ្ជសាស្ត្របានគ្រប់គ្រាន់។
ស្ត្រីគួរតែអាចមានកូនដោយសុវត្ថិភាព ហើយថ្នាំពេទ្យឬវ៉ាក់សាំងគួរតែអាចប្រើប្រាស់ចំពោះគ្រប់គ្នា។
គោលដៅនេះក៏រួមបញ្ចូលការកាត់បន្ថយការរងរបួសឬស្លាប់ដោយសារឧបទ្ទវហេតុនិងការបំពុលនៃខ្យល់ ទឹក និងដីផងដែរ។

គោលដៅនេះគឺដើម្បីផ្ដល់ការអប់រំប្រកបដោយគុណភាពខ្ពស់ស្មើៗគ្នាដល់មនុស្សគ្រប់គ្នា អោយមានឱកាសរៀនសូត្រពេញមួយជីវិត។
ការផ្ដល់សាលារៀនដែលមានសុវត្ថិភាព ព្រមទាំងភាពងាយស្រួលនិងការបង្កើនចំនួនគ្រូបង្រៀនដែលមានគុណវុឌ្ឍិ ដែលអាចជួយសម្រេចគោលដៅនេះ។
ការបន្តការអប់រំទោះបីស្ថិតក្នុងវិវាទឬគ្រោះមហន្តរាយ គឺជារឿងសំខាន់។

គោលដៅនេះគឺដើម្បីផ្ដល់អំណាចដល់ស្ត្រីនិងកុមារីដើម្បីបញ្ឈប់ការរើសអើងចំពោះពួកគេ។
របៀបធ្វើវាគឺរួមបញ្ចូលការបង្ការគ្រោះថ្នាក់ផ្នែករាយកាយ អារម្មណ៍ និងផ្លូវភេទចំពោះស្ត្រី ដោយផ្ដល់តម្លៃដល់ការធ្វើការងារផ្ទះ ការពារសិទ្ធិស្ត្រីពាក់ព័ន្ធនឹងការមានផ្ទៃពោះនិងសម្រាលកូន និងលើកទឹកចិត្តឲ្យមានការចូលរួមស្មើគ្នាក្នុងនយោបាយ សេដ្ឋកិច្ច។ល។

គោលដៅនេះគឺដើម្បីផ្ដល់ទឹកស្អាតនិងបរិស្ថានប្រកបដោយសុខភាពល្អដល់មនុស្សគ្រប់គ្នាតាមរយៈការគ្រប់គ្រងអនាម័យត្រឹមត្រូវ។
គោលដៅនេះជម្រុញឲ្យការគ្រប់គ្រងទឹកនិងការចោលសំរាមអោយមានសណ្តាប់ធ្នាប់ និងប្រើប្រាស់ទឹកស្អាតឡើងវិញ។

គោលដៅនេះគឺដើម្បីផ្ដល់ថាមពលដែលអាចទុកចិត្តបាននិងមានតម្លៃទាបដល់គ្រប់គ្នា មិនមែនត្រឹមតែពីឈើឬធ្យូងនោះទេ គឺពីធនធានថ្មីដូចជាអគ្គិសនីឬហ្គាសផងដែរ។
ការប្រើប្រាស់កាន់តែច្រើននូវថាមពលស្អាតនិងកកើតឡើងវិញ (ដូចជាពន្លឺព្រះអាទិត្យ ខ្យល់ ទន្លេដែលហូរ និងជំនោរសមុទ្រ) និងការបង្កើនប្រសិទ្ធផលថាមពល គឺជាគន្លឹះសំខាន់។

ការងារសមរម្យមានន័យថាគ្រប់គ្នាអាចស្វែងរកការងារដែលគួរឲ្យចង់ធ្វើការ ដែលផ្ដល់ប្រយោជន៍ដល់កំណើនសេដ្ឋកិច្ចខណៈដែលការពារធនធានធម្មជាតិបណ្ដើរ។
គោលដៅនេះគឺដើម្បីលុបបំបាត់ពលកម្មកុមារដែលការប៉ះពាល់ផ្លូវចិត្តនិងផ្លូវកាយដល់កុមារអាយុក្រោម 19 ដែលត្រូវបានបង្ខំឲ្យធ្វើការងារ។

ហេដ្ឋារចនាសម្ព័ន្ធសំដៅលើអគារ មធ្យោបាយធ្វើដំណើរ សេវាកម្មជាដើម ដែលមនុស្សត្រូវការក្នុងការរស់នៅប្រចាំថ្ងៃ។
ឧទាហរណ៍ដូចជា ការផ្គត់ផ្គង់ទឹក ផ្លូវដែក ហ្គាស អគ្គិសនី និងអ៊ីនធើណិត។
គោលដៅនេះគឺដើម្បីកសាងហេដ្ឋារចនាសម្ព័ន្ធដែលធន់នឹងគ្រោះមហន្តរាយ ជំរុញការអភិវឌ្ឍសេដ្ឋកិច្ចប្រកបដោយចីរភាពនិងមានលក្ខណៈរួមបញ្ចូល និងធ្វើឲ្យកាន់តែងាយស្រួលនឹកឃើញបច្ចេកវិទ្យាថ្មីៗ។

គោលដៅនេះគឺដើម្បីកាត់បន្ថយវិសមភាពឬភាពខុសគ្នារវាងប្រទេសនិងនៅក្នុងប្រទេស។
វិសមភាពអាចលុបបំបាត់បានតាមរយៈការបង្កើនប្រាក់ចំណូលរបស់អ្នកក្រ និងការលុបបំបាត់ច្បាប់និងការអនុវត្តដែលរើសអើងនឹងប្រភេទមនុស្សជាក់លាក់ណាមួយ។

គោលដៅនេះគឺដើម្បីបង្កើតទីក្រុងនិងសហគមន៍ដែលគ្រប់គ្នារស់នៅប្រកបដោយសុវត្ថិភាព មានលំនៅឋានដែលមានគុណភាពល្អដែលអាចប្រើប្រាស់ទឹក អគ្គិសនី និងសេវាកម្មចាំបាច់ផ្សេងទៀត។
សហគមន៍ត្រូវតែធន់នឹងគ្រោះមហន្តរាយ។
ហើយពួកគេត្រូវតែឃ្លាំមើលការបំពុលខ្យល់និងការគ្រប់គ្រងកាកសំណល់ខណៈនោះដែរ ពួកគេក៏ត្រូវផ្ដល់សុវត្ថិភាពនិងភាពងាយស្រួលប្រើប្រាស់សេវាកម្មសម្រាប់កុមារ មនុស្សចាស់ និងអ្នកដែលងាយរងគ្រោះផ្សេងទៀត។

គោលដៅនេះគឺដើម្បីធ្វើឲ្យប្រាកដថាធនធានមិនត្រូវបានខ្ជះខ្ជាយនៅពេលផលិតនិងប្រើប្រាស់អ្វីមួយ។
វិធីសំខាន់ក្នុងការសម្រេចគោលដៅនេះបានគឺការរួមបញ្ចូល ការកាត់បន្ថយកាកសំណល់អាហារអោយបានពាក់កណ្ដាល ការឃ្លាំមើលសារធាតុគីមីគ្រោះថ្នាក់ដែលត្រូវបានបញ្ចេញនៅពេលផលិតរបស់ដើម្បីការពារការបំពុលទឹក ខ្យល់និងដី និងការដាក់ប្រើប្រាស់ 4 R (reduce(កាត់បន្ថយ), reuse(ប្រើឡើងវិញ), recycle(កែច្នៃឡើងវិញ)) ដើម្បីឲ្យកាកសំណល់តិចបំផុត។

ការប្រែប្រួលអាកាសធាតុកំពុងកើតមានឡើងដោយសារការបញ្ចេញឧស្ម័នកាបូនិក (CO₂) និងសារធាតុផ្សេងទៀតដោយមនុស្ស ដែលធ្វើឲ្យផែនដីកាន់តែក្ដៅនិងផ្លាស់ប្ដូរអាកាសធាតុ។
អ្វីត្រូវផ្ដោតគឺ ការធ្វើសកម្មភាពឥឡូវនេះដើម្បីត្រៀមខ្លួននឹងបញ្ហាប្រែប្រួលអាកាសធាតុ ព្រមទាំងគ្រោះមហន្តរាយធម្មជាតិដែលវានឹងបង្ក។

ការបំពុលសមុទ្រភាគច្រើនគឺបង្កដោយអ្វីៗដែលមនុស្សធ្វើនៅលើគោក។
គោលដៅនេះគឺដើម្បីកាត់បន្ថយការបំពុលសមុទ្រ លុបបំបាត់ការនេសាទខុសច្បាប់ដែលបង្កគ្រោះថ្នាក់ដល់បរិស្ថាន និងធ្វើឲ្យប្រាកដថាធនធាននៅសមុទ្រអាចត្រូវបានប្រើប្រាស់ប្រកបដោយចីរភាព។

ការការពារព្រៃឈើនិងការបញ្ឈប់ការកាបើដើមឈើ គឺសំខាន់សម្រាប់ការអភិរក្សនិងការបង្កើតឡើងវិញនូវប្រព័ន្ធអេកូឡូស៊ីរបស់ដី (និយាយម្យ៉ាងទៀតគឺ សត្វនិងបរិស្ថានដែលពួកវារស់នៅ) និងសម្រាប់ការប្រើប្រាស់វាតាមរបៀបដែលមានចីរភាព។
ប្រភេទភាវៈរស់ដែលជិតផុតពូជ ត្រូវតែការពារ ហើយត្រូវតែបង្ការការបាត់បង់ជីវចម្រុះដូចគ្នា។

គោលដៅនេះគឺដើម្បីបង្កើតសង្គមដែលមានសន្តិភាពនិងមានលក្ខណៈរួបរួមដែលគ្រប់គ្នាអាចប្រើប្រាស់ច្បាប់ (តុលាការនិងនីតិវិធីច្បាប់) និងធ្វើឲ្យប្រាកដថាស្ថាប័នយុត្តិធម៌មានភាពសកម្មក្នុងកម្រិតសហគមន៍ ប្រទេស និងសាកលលោក។