Panasonic Group ၏ စီမံခန့်ခွဲရေးအခြေခံမူဝါဒ

Panasonic Group သည် လုပ်ငန်းလုပ်ဆောင်မှုအားလုံးကို တိုးတက်စေခြင်းအပြင် တည်ထောင်သူ Konosuke Matsushita မှ ချမှတ်ထားသော စီမံခန့်ခွဲမှုအတွေးအခေါ်ကို လိုက်နာရန် ရည်ရွယ်ထားလျက်ရှိသည်။ ထို့အပြင် စီမံခန့်ခွဲမှုအတွေးအခေါ်၏ အခြေခံဖြစ်သည့် အခြေခံမူဝါဒ၊ ယုံကြည်မှု၊ ကျင့်ဝတ် ၇ ချက်ကို ဖောက်သည်များ၊ စီးပွားမိတ်ဖက်များ၊ အစုရှယ်ယာရှင်များနှင့်အတူ မျှဝေကာ ထိုအတွေးအခေါ်နှင့်အညီ လုပ်ဆောင်ရန် ကတိပြုပြီး မည်သို့ပင်ကြည့်ရှုစေကာမူ ကျွန်ုပ်တို့ဘက်မှ ဤကဲ့သို့လုပ်ဆောင်နေကြောင်းကို အတည်ပြုစေလျက်ရှိပါသည်။

ယခုအကြိမ်တွင် ကိုယ်တိုင်တာဝန်ယူမှုရှိသောစီမံခန့်ခွဲမှုကို ရည်ရွယ်၍ "လုပ်ငန်းကုမ္ပဏီစနစ်" အသစ်သို့ ပြောင်းလဲခဲ့သော်လည်း အခြေခံမူဝါဒတွင် အလေးပေးဖော်ပြခဲ့သည့် "လူမှုဘဝနေထိုင်မှု ဖွံ့ဖြိုးရေးနှင့် တိုးတက်စေရန် ရည်ရွယ်၍ ကမ္ဘာ့ယဥ်ကျေးမှုတိုးတက်ရေးတွင် အကျိုးပြုခြင်း"၊ တစ်နည်းအားဖြင့် ကျွန်ုပ်တို့လုပ်ငန်း၏ ရည်ရွယ်ချက်ဖြစ်သည့် "လူ့အဖွဲ့အစည်း ဖွံ့ဖြိုးတိုးတက်ရေး အတွက် ပံ့ပိုးကူညီခြင်း" ကို ဖော်ဆောင်ရန်အခြေခံဖြစ်သည့် "စီမံခန့်ခွဲရေးအခြေခံမူဝါဒ" ကို လက်ရှိလူ့အဖွဲ့အစည်းအခြေအနေနှင့် လုပ်ငန်းပတ်ဝန်းကျင်တွင် ကိုးကားစေရင်းဖြင့် နှစ်ပေါင်း ၆၀ ခန့် အတွင်း ပထမအကြိမ်အနေဖြင့် ကြီးမားစွာပြင်ဆင်မှုကို လုပ်ဆောင်ခဲ့သည်။

တစ်ဦးချင်းစီတွင်ရှိသော အရည်အချင်းနှင့် စွမ်းရည်ကို အမြင့်ဆုံးဖော်ပြပြီး အဆိုပါ တစ်ဦးချင်းစီတွင်ရှိသင့်သော စံပြပုံစံကို လေးလေးနက်နက်စဥ်းစား၍ အပြန်အလှန် ပြောသင့်သည်များကို ပြောကြားကာ မတူကွဲပြားသောလူစွမ်းအားအရင်းအမြစ်များ၏ မတူကွဲပြားသော ထင်မြင်ချက်များကို စုဆောင်း၍ အရည်အသွေးမြင့်မားသောဆုံးဖြတ်ချက်ကို လျင်မြန်စွာ ချမှတ်ပြီး တွန့်ဆုတ်ခြင်းမရှိဘဲ တိုးတက်အောင်လုပ်ဆောင်ခြင်းဖြင့် အသုံးပြုသူ ဖောက်သည်များနှင့် လူ့အဖွဲ့အစည်းကို အကောင်းဆုံးဝန်ဆောင်မှုပေးမည်ဖြစ်သည်။ ထို့အပြင် လက်ရှိအခြေအနေကို အမြဲတစေ ရိုးသားစွာ ဖော်ထုတ်ပြီး လက်ရှိဦးတည်ချက်သည် လူ့အဖွဲ့အစည်း အခြေအနေနှင့် သွေဖယ်ခြင်း၊ တစ်နည်းအားဖြင့် ပိုမိုကောင်းမွန်သောစီမံချက်များ ရှိပါက တုံ့ဆိုင်းခြင်း မရှိဘဲ တတ်နိုင်သမျှ အမြန်ဆုံး ပိုမိုကောင်းမွန်သောလမ်းကြောင်းအသစ်ကို ရွေးချယ်မည်ဖြစ်သည်။ ဤသည်မှာ ကျွန်ုပ်တို့၏ မူလချမှတ်ထားသည့် အခြေခံတွေးခေါ်နည်းနှင့် လုပ်ဆောင်ချက်လမ်းညွှန်ကို ပြန်လည်ပါဝင်စေရန်အတွက် လုပ်ဆောင်ထားသည့် ပြန်လည်ပြင်ဆင်မှု ဖြစ်သည်။

ဤစီမံခန့်ခွဲရေးအခြေခံမူဝါဒကို အားလုံးနှင့်အတူ မျှဝေကာ လက်တွေ့ဖော်ဆောင်မည် ဖြစ်ကြောင်းကို ကတိပြုကာ အားလုံးအား ဝန်ထမ်းတစ်ဦးချင်းစီ၏ အပြုအမူကို ကြည့်ရှု အကဲဖြတ်စေ၍ မျှော်မှန်းထားသောအပြုအမူအား ဆက်လက်ဆောင်ရွက်စေကာ လက်ရှိအားလုံး နှင့်အတူ "စိတ်ရောကိုယ်ပါတစ်သားတည်း"၊ စိတ်ရော ကိုယ်ပါ သာယာဝပြောသော စံပြလူ့အဖွဲ့အစည်း ဖော်ဆောင်ရာတွင် Panasonic Group တစ်ခုလုံးနှင့်အတူ ရှေ့ဆက်လှမ်းချီသွားမည်ဖြစ်ပါသည်။

၂၀၂၁ ခုနှစ် အောက်တိုဘာလ ၁ ရက်
လုပ်ငန်းအုပ်စု အမှုဆောင်အရာရှိချုပ် Yuki Kusumi